Жемқорлықты жою – ортақ парыз
Бейсенбіде Әйтеке би кенті әкімдігінде «Сыбайлас жемқорлықпен күрес – ортақ парызымыз» тақырыбында семинар өткізілді.Оны облыстық ішкі саясат басқармасының әлеуметтік тапсырысы аясында "Самұрық" инновациялық идеяларды дамыту орталығы» қоғамдық қоры ұйымдастырды.
Шараның мақсаты – соңғы кезде белең алған сыбайлас жемқорлық көріністерін азайтуға үлес қосу, халықтың мемлекеттік билік органдарына деген сенімі мен құқықтық сауаттылығын арттыру болып табылады.
Семинарда Қазалы ауданы полиция бөлімі бастығының орынбасары, полиция подполковнигі Шынтас Бекетов, «Самұрық» инновациялық идеяларды дамыту орталығы» қоғамдық қорының директоры, заң ғылымдарының магистрі Жандос Тұсмағамбетов, «Самұрық» инновациялық идеяларды дамыту орталығы» қоғамдық қоры директорының орынбасары Жанар Алтынбасова хабарлама жасады.
Сондай-ақ мемлекеттік және бюджеттік сала қызметкерлері, үкіметтік емес ұйымдар арнайы мониторингтік топ мүшелері қатысып, сұрақтарға тұшымды жауап алды.
Айнұр ҚАЗМАҒАМБЕТОВА
