Оны облыстық ішкі саясат басқармасының әлеуметтік тапсырысы аясында "Самұрық" инновациялық идеяларды дамыту орталығы» қоғамдық қоры ұйымдастырды.

Шараның мақсаты – соңғы кезде белең алған тұрмыстық сыбайлас жемқорлық көріністерін азайтуға үлес қосу, халықтың мемлекеттік билік органдарына сенімі мен құқықтық сауаттылығын арттыру болып табылады.

Семинарға Қазалы ауданы полиция бөлімі бастығының орынбасары, полиция подполковнигі Шынтас Сахиджанұлы, «Самұрық» инновациялық идеяларды дамыту орталығы» қоғамдық қорының директоры, заң ғылымдарының магистрі Жандос Тұсмағамбетов, «Самұрық» инновациялық идеяларды дамыту орталығы» қоғамдық қоры директорының орынбасары Жанар Алтынбасова хабарлама жасады.

Сондай-ақ мемлекеттік және бюджеттік сала қызметкерлері, үкіметтік емес ұйымдар арнайы мониторингтік топ мүшелері қатысып, өздерін мазалап жүрген сұрақтарға тұшымды жауап алды.