Қазалы ауданына жаппай кәсіпкерлікті дамыту бойынша мемлекеттік және өңірлік бағдарламаларды түсіндіру жұмыстарын жүргізу мақсатында Қызылорда облысының кәсіпкерлік және туризм басқармасының басшысы Б.Намаев, облыстық индустриялық-инновациялық даму басқарма басшысының орынбасары Ж.Берденова, облыстық кәсіпкерлік және туризм басқармасы басшысының орынбасары А.Досжанов және «Қызылорда» Өңірлік инвестиция орталығы» МҚҰ» ЖШС-нің директоры С.Ерниязов арнайы іс сапармен келді.

Әйтеке би кенті әкімшілігің мәжіліс залында облыстан келген делегаттар ауыл кәсіпкерлеріне түсіндірме жұмыстарын жүргізді.

Әрі қарай іс сапар Майдакөл ауылдық округінде жалғасын тауып, ауыл кәсіпкерлерімен кездесіп, жаппай кәсіпкерлікті дамыту бойынша мемлекеттік, үкіметтік және өңірлік бағдарламалар түсіндірілді. Жиынға қатысушылар өздерін толғандырып жүрген сауалдарын жолдап, тиісті жауаптар алды.