Саяси шешім, батыл қадам
2019 жылдың 9 маусымындағы өтетін ҚР Президентінің сайлауын өткізу туралы Ел Президенті Қасым-Жомарт Тоқаевтың шешіміне отандастарымыз қызу қолдау көрсетуде.Бұл өте маңызды, әрі батыл қадам. Халықаралық жүйеде лайықты орны бар Қазақстан тарихи кезеңде, әлемдегі ахуал бұлыңғыр болып тұрған тұста ішкі және сыртқы саясаттағы сабақтастық пен тұрақтылықты сақтап, Елбасы ұсынған бағдар бойынша іс-қимыл жасады.
«Елді түзеген, бәрін бейбіт еткен, азды қөп қылған, кедейді бай қылған, тату елге жақсылық қылған» Күлтегін баба ұстанымындай Ұлт көшбасшысының сарабдал саясатын жалғастыру үшін мемлекет басшысы осындай қадамға барды. Барлық құқықтар мен бостандықтардың кепілі ретінде әділ сайлау өткізуге бар күш-жігерін салатындығын мәлім етті.
Қазақстанның тұңғыш Президенті Н.Назарбаев жасаған транзитті биліктің жалғасы – аса маңызды сайлау кезеңіне аяқ басуға қадам жасамақшы. Саяси шешім Біздің Отанымыздың демократиялық ел екендігінің дәлелі. Ел тарихындағы елеулі оқиғаны әрбір қазақстандық жылы қабылдап, «Бақ бағалағанның ғана басында тұрады. Қастерлей білмесе, қасиеттің құны да қалмайды» деген халық даналығына жүгінген әрбір азамат дұрыс шешімге келіп, таңдау жасауда қателеспейтіндігіне сенім мол. Қазақ елінің шежіресіне енетін жаңа дәуірдің жалғасы халқымызға бақ болып қонғай!
Болат Жолтаев,
аудандық мәдениет және тілдерді дамыту
бөлімі басшысының міндетін уақытша атқарушы
