Қазалы Қазалы аудандық қоғамдық-саяси газет
» » Ел келешегі халықтың шешіміне тікелей байланысты

Ел келешегі халықтың шешіміне тікелей байланысты

Бүгін Мемлекет басшысы Қасым-Жомарт Тоқаев халық үшін аса маңызды Үндеу жариялап, осы жылғы 9 маусымда кезектен тыс Президенттік сайлау өткізу туралы шешім қабылдады.

Бұл Елбасы, Тұңғыш Президент Нұрсұлтан Назарбаев өкілеттілігін тоқтатқаннан кейінгі дұрыс шешім болды деп санаймын. Себебі келесі жылы өтетін сайлауды күтудің ешқандай қажеттілігі жоқ. Біз жаңа Президентпен бірге өзіміздің бағыт-бағдарымызды да айқындап алуымыз қажет. Бұл өз кезегінде осыған дейін Елбасының сындарлы саясатының арқасында қол жеткізілген жетістіктер, әлеуметтік тұрақтылық пен әлем алдындағы Қазақстанның абыройын одан әрі нығайтуға септігін тигізері сөзсіз.

Сондықтан да елдің жарқын болашағы үшін бұл саяси науқанға барлығымыз біркісідей атсалысып, ауызбіршілік танытайық. Өйткені ел келешегі халықтың шешіміне тікелей байланысты. Мұны Қасым-Жомарт Тоқаев та өз сөзінде атап көрсетті.

Осы сайлауда көптеген ұлт пен ұлыс мекен еткен ортақ Отанымызды одан әрі дамытатын, халықтың тұрмыс-тіршілігін арттыратын, әлемдік аренадағы даңғыл жолын айқындайтын Президентті таңдауымыз керек. Өйткені ұлт болып ұйысып, қоғамның алға қарай жылжуы тікелей мемлекет басшысына байланысты. Сол үшін 9 маусым күнгі саяси науқанда ұйымшылдық танытып, ел Президентін сайлап алуға шақырамын.
Нұрлан ИМАНДОСОВ,
"Рза-Агро" ЖШС директоры.
Аудандық мәслихат депутаты.
09 сәуір 2019 ж. 520 0

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30