Тарихи таңдау тұсында Сіз бен біз қателеспеуіміз әрі жаңылмауымыз шарт. Елбасы, «Nur Otan» партиясының Төрағасы партияның орталық аппаратында келелі кездесу өткізді. Кездесу барысында Н.Ә.Назарбаев елдегі болып жатқан соңғы саяси жағдайлар мемлекетіміздің дамуына өзіндік оң динамика беретіндігіне өз сенімін білдірді. Сонымен қатар, мемлекет басшысы Қасым-Жомарт Тоқаевтың 9 сәуірдегі үндеуі арқылы президент сайлауын жариялауы, барлық заңдылықтарға сәйкес келетіндігін атап өтті. Бұл саяси додаға "Nur Otan" партиясы да өз кандидатын ұсынатындығын жеткізді. Партияның кезекті XVIII съезінде берілген бірқатар тапсырмалардың орындалуына байланысты жұмыстар атқарылуда. Партияның жаңа жобалары елдің әлеуметтік - экономикалық жағдайының жақсаруына жұмыс жасайтын болады.

Бұл тарихи маңызы бар және мемлекет үшін аса жауапты, сондай-ақ қажет шешім болып отыр. Өйткені, Мемлекет басшысы атап өткендей, әлемдегі ахуал бұлыңғыр болып тұр. Бұл Отанымыздың қауіпсіздігіне сын-қатер әкелуі мүмкін. Сондықтан іргесі мығым, біртұтас мемлекеттің бүгінгі жеткен жетістігін, әлеуметтік тұрақтылығын, әлемдік деңгейін сақтап қалу үшін ел Президентін ертерек сайлап алған дұрыс. Түрлі сын-қатерлерде Елбасының сындарлы саясатын нық ұстап, әрі қарай дұрыс бағытта елімізді дамыту жолында тағдырлы шешімге жұмыла атсалысуымыз қажет.

Жалпы, бұған дейінгі Президенттік сайлауларға қазақ елі жұмыла атсалысып, саяси науқан кезінде «бір жеңнен қол, бір жағадан бас шығара» білді. Міне, сол үрдіспен бұл жолғы сайлауды да ынтықпен өткізіп, Қазақстан мемлекетін қарышты дамытуға үлес қосайық!

«Nur Otan» партиясы аудандық филиалы

төрағасының бірінші орынбасары.