Қазалы Қазалы аудандық қоғамдық-саяси газет
» » Кезектен тыс сайлау – келешектің қамы

Кезектен тыс сайлау – келешектің қамы

Бүгін Қазақстан Республикасының Перзиденті Қасым-Жомарт Тоқаевтың Қазақстан халқына жолдаған Үндеуін тыңдадым. Онда еліміздің Конституциясына сәйкес Қазақстан Республикасы Президентінің кезектен тыс сайлауы осы жылдың 9 маусымында өтетіні айтылған. Бұны ел болашағы үшін жасалған ұтымды шешім деп бағалаймыз.
Тұңғыш Президент Н.Назарбаев осы уақытқа дейін елдің аяққа нық тұруы үшін аянбай еңбек етті. Қазақ халқының әлеуметтік-саяси әл-ауқатын көтерді. Бұл міндеттерді қазіргі мемлекет басшысы Қасым-Жомарт Тоқаев та абыройлы жалғастырып келеді.
Қазіргі таңда ел басшысы айтқандай, әлемдік саясат тұрақты емес. Сондықтан келешекке кемелді жоспар құру үшін нақтылық қажет. Осы орайда Қазақстан халқының алдағы сайлауға бірауыздан атсалысуға шақырамын. Әрбір азамат елдің, өзінің, келер ұрпағының келешегі үшін маңызды шараға атүсті қарамауы керек. Оның үстіне сайлаудың әділ әрі ашық түрде өтуіне Президент өзі кепілдік беретінін айтып өтті.
Мен демократия кең етек жайған Қазақстан Республикасының азаматы ретінде әлеуметтік-экономикалық мақсат-міндеттерді лайықты жүзеге асыру үшін жоспарланған кезектен тыс сайлаудың өтуін қолдаймын. Әрі бұл шешім ел дамуындағы саяси маңызы жоғары қадам деп білемін.
Алик Тілеумбетов
№94 мектеп директоры
09 сәуір 2019 ж. 501 1

Сермахан Жалғасбек от 10 сәуір 2019 09:27
Алик Тілеумбетовтің "Кезектен сайлау - келешектің қамы" мақаласы ел қамын ойлайтын азаматтың мақаласы деп ойлаймын...

Жаңалықтар мұрағаты

«    Маусым 2019    »
ДсСсСрБсЖмСбЖс
 12
3456789
10111213141516
17181920212223
24252627282930