Қазалы Қазалы аудандық қоғамдық-саяси газет
» » Сындарлы сәтте сабырлылық керек

Сындарлы сәтте сабырлылық керек

– Қазіргі таңда әлем бойынша орасан қауіпке айналған коронавирус пандемиясы күннен күнге белең алып келе жатқаны рас. Дегенмен әлемдік денсаулық сақтау қауымдастығы бұл қиындықты жеңу үшін қолдан келген шараның бәрін жасап жатыр. Өз кезегінде ғаламның ажырамас бөлігі, қарқынды даму үстіндегі мемлекетіміз де індеттің елге таралмауына көңіл бөлінуде. Бүгін Елбасы Нұрсұлтан Назарбаев та елді сабырға, ауызбіршілікке шақырған Үндеуін жолдады.
Ұлт көшбасшысы Қазақстан Республикасы азаматтарының қауіпсіздігі, азық-түлікке қолжетімділігі және медициналық көмекке әрқашан қолжетімділікте болатындығын тілге тиек етті. Сонымен қатар кәсіпкерлердің, мекеме қызметкерлері мен студент, оқушыларға ауыртпалық түсірмеу үшін нақты шаралар қолға алынғанын мәлімдеді. Бұдан бөлек осындай төтенше жағдайға көмек қолын созғысы келетін қазақстандықтарға арналған арнайы қор ашуды ұсынды. Мен тәуелсіз елдің нағыз патриоты ретінде бұл бастаманы толықтай қолдаймын. Барша елін сүйген азаматтарды біріге атсалысуға шақырамын.
Бұндай қиын сәтте ұлттың ауызбіршілік пен ынтымақта болуы аса маңызды. Елбасы «Кемедегінің жаны бір» деген тәмсілді ойға оралтып, бұл қиындықты да еңсере алатынымызды айтып, ортақ істе сырт қалуға болмайтынын жеткізді. Өзінің ұлт көшбасшысы екенін тағы бір мәрте дәлелдеп, орын алған жағдайды еңсеруге қордан қаражат бөлгізді. Сонымен бірге көмектен аянып қалмаған ел жанашырларына ерекше алғысын білдірді.
Бүгінгі ауру ахуалы жеңіл қарайтын мәселе емес екенін білеміз. Десек те мен ел абыройын талай мәрте әлемдік аренада асқақтатқан Елбасымен бірге бұл індетті жеңіп шығатынымызға сенемін.
Зинегүл ЖҮСІПОВА,
Қ.Сәтбаев атындағы
№216 орта  мектеп директоры
20 наурыз 2020 ж. 63 0

Руханият

Базарқожа әулие

Базарқожа әулие

27 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930