Ақпараттық түсіндірме жұмыстары жүргізілуде
Дүниежүзілік денсаулық сақтау ұйымы коронавирус індетін халықаралық деңгейдегі төтенше жағдай (пандемия) деп жариялады. Аталған індеттің алдын алу мақсатында және індеттің күннен-күнге ушығып бара жатқандығын ескере отырып, Мемлекет басшысы Қ.К.Тоқаев Қазақстан халқына Үндеу жасады. Ел аумағына төтенше жағдай енгізілді.Мемлекет басшысы төтенше жағдай кезінде елімізде барлық қажетті қорғаныс, қауіпсіздік шаралары жүзеге асырылатындығын, азаматтардың денсаулығы үшін жасалып отырған бұл қадамға бәріміз бір халық, бір қоғам болып атсалысуымыз қажет екендігін баса айтты.
Осы ретте, Қызылорда облыстық ішкі саясат басқармасы Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментімен бірлесіп індеттің алдын алу бағытындағы жадынамалар мен ақпараттық плакаттар әзірледі.
Аталған жаданымалар «Ашық Азаматтық Қоғам» ақпараттық-ресурстық орталығы және өңірдегі волонтерлар арқылы жергілікті тұрғындарға, халық көп шоғырланатын орындарда таратылып, ақпараттық түсіндірме жұмыстары жүргізілуде.
