Мұны кез келген жынды біледі

Бастауыш сыныпқа барған біздің бала тест тапсырыпты. Бүкіл сыныппен бірге Апайы берген тест қағазын алып, он сұрақтың жауабын бес минутқа жеткізбей зу еткізген ғой. Ол жағынан әкесіне тартыпты. "Апай, мен болдым" деп қағазды апарып береді. Мұғалімі қараса тестің ең соңғы сұрағына қатысты жауапты белгілемепті. Басқасын дұрыс тапқан.-Соңғы сұрақтың жауабын көрсет,- деп Апай қағазды қайта ұлға береді.Ұл отырады да енді тест қағазына бірдеңе жаза бастайды. Басқа сұрақтарға қатысты әрбір төрт жауаптың бірін түрте-түрте салған баланың еңді соңғысына жауап жазып жатқаны Апайға қызық болады. Жазарын жазып, біздің ұл парақты апарып берген. Апайы оқыса:"Күзде ағаш жапырақтарының түсі қандай болады?" деген сұрақтың жауабындағы: "ақ", "көк", "сары", "қара" деген төрт нұсқаның ешбірін белгілемей, "мұны кез келген жынды біледі" деп жазыпты. Әншейін, кешелі-бері осы еске түсіп күліп жүрміз.