Балабақшаға кезекке тұру тәртібі өзгерді
Сәбилерді балабақшаға тіркеу жүйесі өзгертілмек. «Қарағанды балабақшаларына тіркелудің жаңа жүйесі енгізіледі. Бұл дегеніміз, балабақшаға тіркелуіне дейінгі бүкіл үрдісті қадағалау», — дейді Қарағанды білім басқармасы. Енді белгілі бір балабақшаға бекітілусіз-ақ, балалардың туған жылдарына байланысты жалпыға ортақ кезек қалыптасады. Қазір жүйеде 2011, 2012, 2013, 2014, 2015, 2016, 2017, 2018 жылы туған балалардың кезегін көруге болады.- жүйе күнделікті балабақшалардан белгілі бір жас аралықтағы топтарда бос орындар пайда болғаны жайлы мәлімет қабылдап отырады;
- жүйе kargoo.gov.kz порталында күнделікті сағат таңғы 9-да өткен тәуліте босаған орындардың бюллетенің жариялайды;
- бюллетень жарияланғаннан кейін, босатылған орындарға порталдан нұсқаулық алуға болады.
Міне, осындай ретпен бос орындар таратылады. Ата-аналар өтініштерін тапсырған күніне байланысты кезекте орналасатын болады. Сондай-ақ, порталда кезектегі «доступ» ашылған кезден бастап, ата-ана бос орындар бюллетенімен толық танысады. Ұсынылған орындардан ұнаған балабақша табылса, «кезек тексеру» — ге кіріп, нұсқаулық қағазын алады. Егер ұсынылған балабақшалар ұнамаса, бала кезекте тұра береді.
Сонымен қатар, жүйе әрдайым ата-аналарға маңызды хабарламаларды sms немесе email арқылы жіберіп отырады. Кез келген мәліметті Қарағанды облыстық және қалалық білім басқармасынан немесе тұрақты мекен-жайы бойынша балабақшадан да ала аласыз. Өзге өңірден болсаңыз жергілікті білім басқармасына немесе egov.kz сайты арқылы кез келген сұрақтың жауабын таба аласыз.
