Қазалы Qazaly.kz ақпараттық агенттігі
» » Ұстаздарынан қорлық көрген оқушылар бар шындықты жайып салды

Ұстаздарынан қорлық көрген оқушылар бар шындықты жайып салды

Бір топ оқушы ұстаздарына тап берді! Алматы облысындағы мектептердің бірінде төзімі таусылған балалар үш жылдан бері көрген қорлықтарын жайып салды. Мұғалімнің шəкірттеріне айтқан сөзін қаз-қалпында жеткізудің өзі ұят. Әр күні бастарына әңгіртаяқ ойнатқан тәлімгерлерінің теріс қылығын оқушылар видеоға түсіріп алған. Бірақ, мұның арты дауға ұласты. Бұл туралы Еуразия бірінші арнасы хабарлайды.
«Өз көзіммен көргенмін. Мына қыздарға тиіседі. Әкең жоқ, шешең жоқ деп айтады. Жетім деп айтады» -деді оқушылардың бірі.
Етектері көл болып, жасқа толған бұл 8 «ə» сынып оқушылары. Қазақ тілі пәні мұғалімін көрсе, шошитын күйге жеткен. Өйткені, үш жылдан бері ол кісіден қорлық көріп келгендерін айтады. Шыдамның да шегі бар. Ата-аналарына арқа сүйеген олар бар шындықты бірінен соң бірі шырылдап айтуда. «Сорлы», «жетімсің» деп кемсітеді дейді. Мектеп басшылығы құлақ аспаған соң, дәйек болуы үшін ұстаздарының ісін телефонға түсіруге мәжбүр болған.
Əлеуметтік желіні шулатқан оқиға Боралдай елдімекеніндегі № 17 орта мектепте болған. Қазақ тілінен беретін апайлары сабаққа жарты сағат кешігіп келіпті. Балалар сонысын телефонға түсірмек болғанында арты қып-қызыл төбелеске ұласқан. Бойын ыза кернеген педагог бір оқушының қолын сөмкенің бауымен бұрап, екі партаның ортасына қысып, қорқытады. Ата-аналарды да ашындырып отырған осы қылығы.

«Бұл жерде баланың білімі қатысы жоқ. Сен оқымайды дегенге ұрып соғуың керек па? Әр баланың намысына тиіп, неше түрлі сөз айтасыз. Білімін айтып. Содан кейін ашынып осы болып отыр» дейді ата-ана.
«Сенің балама топас, сорлы деуге құқың да жоқ. Бұрын–соңды айтып келгеніңде сенбейтінмін. Шошып қалған балалар» – дейді оқушының анасы Нұргүл Тайтарасова.
Оқушылар қазақ тілі пәні ұстазымыздың жеке өмірін тыңдаумен өтеді дейді. Жақсы баға алғыларың келсе, сыныптастарыңның диктанттарын тексеріңдер деп үздіктерге жүктейтін көрінеді. Бірақ, оның бәрін мұғалім жоққа шығарды. Шәкірттерінің көбісінің кілең «екілік» алатынын айтып, оған жөнді тәрбие бермеген деп ата-аналарын кінәлауда.
«Бұлар өзінің білімсіздігін жасырып, ата-аналарына басқа айтып барып, жаңағы менен құтылудың әрекеті. Мен білімін тексеріп, ашуланып отырмын ғой. Сабаққа қатыспады, ары-бері жүрді. Мен сол күні кешікпедім» – деп ақталды қазақ тілі пәнінің мұғалімі Айнұр Күлембаева.
Ал, мектеп басшысы Айнұрдың көпбалалы ана білім саласында 18 жыл өтілі бар екенін айтады. Төрт күннен бергі айғайдан соң бірде бір жиналысқа қатыстыруға әмірі жүрмегенін де мойындады. Сабақтағы этика түгілі, жеке адамның мүлкін тінтудің өзі қылмыс дейді. Өйткені, оқушылардан тартып алған телефонды үйіне апарып қосып, ортақ чатқа түрлі хат жолдағанға ұқсайды.
«Мен былай дəл осы жерде отырдым. Телефонды сұрады. Сумкама салғам, бер деп жұлқылап…» – дейді оқушылардың бірі.
«Ватсаптық топқа кіріп, осы сыныптың неше түрлі жазып. Ол бар комментарилер жазған. Оның бәрі бізде бар. Сол ашуландырған. Сынып жетекшілер туралы айтқан. Қарым-қатынастар туралы айтқан» – дейді №17 орта мектептің директоры Жанат Имашева.
Оқытушыны қойып, директордың сөзін құлақ аспаған ұстаздың үсітінен қазір бір топ ата-ана арыз жазып қойған. Істің ақ-қарасын, мұғалімнің тағдырын құзырлы орган өкілдері шешетін болады. Бірақ ата-аналар оқытушыны жұмыстан қумай тынбаймыз дейді. Ал, 8 «ә» сыныптың оқушылары дәл осы ұстаз қазақ тілінен сабақ берсе, сабаққа қатыспаймыз деп отыр.
21 ақпан 2018 ж. 3 285 0

Руханият

Дархан даланың дара шынары

Дархан даланың дара шынары

26 желтоқсан 2022 ж.
Басықара билігі

Басықара билігі

13 желтоқсан 2022 ж.
Елге аға болған Қалекең

Елге аға болған Қалекең

11 желтоқсан 2022 ж.
Қазалының қайсар ері

Қазалының қайсар ері

10 желтоқсан 2022 ж.

Жаңалықтар мұрағаты

«    Қаңтар 2023    »
ДсСсСрБсЖмСбЖс
 1
2345678
9101112131415
16171819202122
23242526272829
3031 
  • Қытайда екі миллиардтан астам вакцина салынды