Түнде жалынады, айғайлайды – 52 адам жанып кеткен автобустан дыбыс шығады
Күзетшілер 52 адам тірідей жанып кеткен автобус ішінен түнде айғай естілетінін айтты, деп хабарлайды Today.kz 31 арнаға сілтеме жасап. Олар автобус ішінде елес бар дейді. Айтуларынша, түнге қарай бұл жерден неше түрлі дыбыс шығады екен.
"Түнде жалынады, сөйлейді, айғайлайды. Әруақ қалып қойған ғой ішінде. Түнгі 12-1-2 шамасында келіңіз, көресіз", - дейді күзетші.
Арнаның хабарлауынша, 52 адам тірідей жанып кеткен автобустың іші түгілі, сырты қарауға қорқынышты. Қасында жақындағанда жаның түршігеді. Терезе, орындық, дөңгелекке дейін дымы қалмаған. Тек құр темір ғана тұр.
Айта кетейік, Ақтөбе облысының Ырғыз ауданында 18 қаңтар күні 10:30-да жүріп келе жатқан "Икарус" автобусы өртеніп, 52 Өзбекстан азаматы тірідей жанып кеткен еді.
Қазақстанның үш азаматы-жүргізушілер мен Өзбекстанның екі азаматы-жолаушылар тірі қалды. Өртке қауіпсіздік ережелерін сақтамау себеп болған.
Автобус жүргізушілері қамауға алынды.
