Қала жастарының қарқыны
Көктем жетісімен тұрғылықты мекенінің көрікті, көркем көрініске еніп, жасыл желекке айналуына атсалысу – Қазалы қаласы халқының үйреншікті дағдысы.Осы игі дәстүрді жалғастырушы жастар өткен сенбі күні ауызбіршілік пен ұйымшылдық үлгісін танытты. Олар қала орталығындағы «Жастар алаңында» болып, серпінді сенбілік жұмысын атқарды. Бұл күні алаң айналасы күл-қоқыс, тұрмыстық қалдықтардан тазаланып, арықтар мен су жолдары қалыпқа келтірілді. Сенбілік барысында ұйымдастырушылар ағаш қаламшалары мен көшеттер отырғызды.
Жастардың жалынды жұмыстарына сәттілік тілеген қала әкімінің орынбасары А.Әбілхан бастама көпке үлгі екендігін жеткізді. Сенбілік алдағы уақытта да жалғасын табатын болады.
Қаракөз ЕРМЕКБАЕВА
