Қазалы Qazaly.kz ақпараттық агенттігі
» » Еттен жасалатын көп өнімнің құрамы күмәнді болып шықты

Еттен жасалатын көп өнімнің құрамы күмәнді болып шықты

Қалаларда "халал" белгісімен сатылатын шұжық өнімдерінің құрамынан шошқа еті үлгісі жиі табылады, кейде олардың сыртқы қаптамасында көрсетілген пайыздық мөлшерлемесі де сараптама нәтижесімен сәйкес келмей жатады. Бұл туралы ҚР ДСМ Қоғамдық денсаулық сақтау комитеті жанындағы Ұлттық сараптама орталығының мамандары қазақстандықтардың санитарлық-эпидемиологиялық сауаттылығын арттыруға арналған баспасөз туры кезінде айтты.

2019 жылдың алғашқы үш айында Ұлттық сараптама орталығының Алматыдағы зертханасының мамандары тағамдардағы жануарлар ДНҚ-сына 142 зерттеу жүргізіп, оның 99-ында сынаманың сәйкессіздігін анықтаған. Қалбырдағы өнімнің 77 сынамасынан еттің орнына соя ДНҚ-сы табылды. Шұжық, тұшпара, котлет, турама (фарш) сияқты басқа да өнімдерден мамандар шошқа мен тауықтың ДНҚ-сын анықтады.

Алматыдағы зертхана базасында шұжық пен жартылай дайын өнімдермен бірге әлемдік бренд ретінде мойындалған фастфуд мейрамханаларындағы тағам үлгілері мен бургер, сэндвич, дөнер сататын шағын сауда орындарындағы ет құрамы да тексеріледі.

Ұлттық сараптама орталығы фастфудтан адамдар уланып, зардап шеккенде ғана зерттеу жүргізбейді. 2019 жылғы мониторинг бойынша қаладағы фастфуд өнімдердің стандартқа сәйкестігі міндетті түрде тексеріліп, нәтижесі қоғамдық денсаулық сақтау департаментіне жіберіледі. Ары қарай департамент тиісті шара қолданады, – дейді ҰСО санитария-эпидемиология қызметінің дәрігері Гүлжан Қажыбекова.

Мамандар баспасөз туры кезінде ақпарат құралдары өкілдеріне Ұлттық сараптама орталығының Алматы базасында ет пен жартылай дайын өнімдерге сараптаманың қалай жүргізілетінін көрсетті. Бұл процестер жабық бокстарда кезең-кезеңімен өтеді. Бактериологтардың айтуынша, мұндай зерттеулер күні бойы жүргізіледі, кейде одан да көп уақыт алады.

14 сәуір 2019 ж. 1 339 0

Берекелі іске баулыған

15 маусым 2024 ж. 127

Көпбалалы әке көпке үлгі

15 маусым 2024 ж. 135

Халыққа сапалы қызмет

15 маусым 2024 ж. 117

Жаңа зауыт іске қосылды

15 маусым 2024 ж. 115

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930