Абылайхан алған асу
Қазалы қаласының кішкентай ғана тұрғыны Абылайхан Ерпайызов республикалық байқауда топ жарып, үкілеп үміт артқан жандардың сенімін ақтады.Осындағы "Ақерке" балабақшасында тәлім-тәрбие алатын ол Ақтөбе қаласында өткен "Қазақстан үміті" атты жас өнерпаздар сайысында "Көркем сөз өнері" бағытында жоғары деңгейде өнер көрсетіп, бірінші орынды жеңіп алды. Абылайханның жасы небәрі 4 жаста болса да Алаш қозғалысынң қайраткері, прозашы, аудармашы, ақын, бес арыстың бірі Мағжан Жұмабаевтың "Мен жастарға сенемін" өлеңін нақышына келтіре орындады. Бұл арада өнерпаз өренді республикалық байқауға дайындаған жетекшісі Гүлзат Илиясованың да еңбегін айта кеткен орынды.
Мадияр ЛӘТІП
