Қос бүлдіршіннің қуанышы
Арал қаласында бүлдіршіндер мен мектеп оқушылары арасында ІІ республикалық «Дарабоз» өнер мен білім байқауы өтті.Оған Қазалы қаласындағы «Ақерке» балабақшасының тәрбиеленушілері Іңкәр Серік «Көркем сөз», Назқоңыр Қанжарбекова «Вокаль» жанры бойынша қатысып, екеуі де бірінші орын иеленді. Іңкәрді өнерге баулып, жетекшілік етіп жүрген тәрбиешісі Анар Ахметова болса, Назқоңырды ән әлеміне қанат қақтырған жетекшісі Райхан Жарылқанова.
Байқау кезінде Іңкәр ақын Ш.Сүлейменовтің «Сыр елі» өлеңін нақышына келтіріп жатқа оқыса, Назқоңыр А.Еспенбетованың «Сырда туған баламын» әнін тамылжыта орындады. Көрерменнің көзайымына айналған қос бүлдіршіннің талабы мен таланты тыңдармандарды тәнті етті.
Айгерім ШМАНОВА
