Партия халықтың жанашыры
Партияның 20 жылдығына орай өткізілген "Нұр Отан" партиясының XVIII Съезінде Елбасы Н.Назарбаев халықтың әлеуетін жақсартуға қатысты бірқатар мәселенің шешімін ұсынды. Соның ішінде, Үкіметке «Нұрлы жер» бағдарламасы аясында 40 мыңнан астам жалдамалы пәтер салуды тапсырды. Олардың басым бөлігі тұрмысы төмен көпбалалы отбасыларға берілуі тиіс. Осы мақсатқа алдағы 7 жылда қосымша жыл сайын 50 млрд теңгеден бөлінеді.Мемлекет басшысы Н.Назарбаев: "Тұрғын үймен қамтамасыз ету, білім беру және денсаулық сақтау салаларын жақсарту бойынша жұмысты оңтайландыру қажет. Мен болып, Үкімет болып, Партия мүшелері болып аурухана, мектеп, коммуналдық шаруашылықты, барлық жағдайды бірге қарауымыз керек. Үкіметтің бұдан басқа қандай жұмысы бар?! Халықпен шынайы ашық диалог құруымыз керек. Нұротандықтар мұны жасай алады. «Нұр Отан» – қоғамдық бақылаудың басты институты болу керек" деген мәлімдемесі ел көңілінен шықты деп есептеймін.
Әрине 20 жылдық тарих қатпарында "Нұр Отан" партиясы халықтың жанашыры ретінде елдің әлеуметтік-экономикалық тұрғыдан өсіп-өркендеуіне елеулі септігін тигізіп келеді. Тарихи съезд саяси ұйымның одан əрі жаңғыруына серпіліс береді деген сенімдемін.
Ғанибек ҚАБАҚБАЙ,
Абай атындағы №90 орта мектеп директоры,
"Нұр Отан" партиясы "Абай ауылы" бастауыш
партия ұйымының төрағасы
