Көпбалалы аналарға деген қамқорлық қуантты
Бүгін Астана қаласында «Нұр Отан» партиясының кезекті XVIII Съезі өтіп, онда мемлекет басшысы Нұрсұлан Назарбаев халықтың жағдайын жақсарту, әлеуметтің әлеуетін арттыру жөнінде маңызды тапсырмалар берді. Сондай-ақ, Елбасы партияның 20 жылдығына орай ұйымдастырылған алқалы мәжілісте республикалық бюджеттің 40% астамы әлеуметтік салаға жұмсалатынын айтты.Бізді қуантқан жаңалықтардың бірі көпбалалы отбасыларды қолдау шараларын күшейтуге мән беруді тапсырғаны болатын. Мен өмірге 13 бала әкелген көпбалалы ана ретінде бұл жаңалықты естіген кезде ерекше сезімде болдым.
– Миллионерлерге мемлекеттен тағы көмек берудің қажеті не? Кірісі аз отбасылар арасында 111 мың отбасы ғана атаулы көмек алады екен. Көп балалардың жәрдемақысын әрбір балаға 21 мың теңгеге жеткізуді және мүгедек бала асырап отырған ата-аналар мен отбасыларға, асырушыларға берілетін жәрдемақыны 30 пайызға арттыруды тапсырамын, – деді Елбасы.
Сәлия АХМЕДОВА,
Көпбалалы ана, "Алтын алқа" иегері.
Әйтеке би кенті.
