Материалдық шығынды өндіру туралы азаматтық іс бітістіруші судья арқылы тоқтатылды
Қазалы аудандық сотына талап қоюшы Н.-ның жауапкер Ж.-дан жол-көлік оқиғасы салдарынан келген материалдық шығынды өндіру туралы талап арыз түскен.Талап арыз бітістіруші-судья Қ.Т.Мыхановқа бөлінген. Судья сұхбат барысында тараптарға дауды татуласу жолымен шешуді ұсынып, тараптар ұсынысты қабыл алды.
Оның нәтижесінде тараптар дауды (жанжалды) сот медиация тәртібімен реттеу туралы келесі келісімге келді: талап қоюшы жауапкерге жол көлік оқиғасымен келтірілген зиянды өндіру туралы қойған талаптарынан бас тартады, жауапкер жол көлік оқиғасымен келтірілген 70 000 тенге шығынды 2 ай ішінде өз еркімен төлеуді міндетіне алады.
Сотпен азаматтық іс бойынша сот өндірісі тоқтатылып, талап қоюшыға мемлекеттік баж қайтарылды.
Соттың ұйғарымы заңды күшіне енбеген.
Қазалы аудандық сотының баспасөз қызметі
