Елбасы Н.Назарбаевтың «Бола­шаққа бағдар: рухани жаңғыру» мақаласындағы орындалуы тиіс міндеттердің ішінде «Туған жер» бағдарламасы да бар. Осы орайда №7 «Балдырған» санаториялық балабақшасында тәрбиешілер Мейрамкүл Өміртаева мен Жансая Тілеунизованың ұйымдастыруымен «Туған жер – алтын бесігім» атты мәдени-музыкалық кеш болып өтті. Балабақша тәрбиеленушілері шараны «Домбыра» биімен ашып, ән-жырдан шашу шашты. Шырқалған ән мен жыр көпшіліктің көңілінен шығып, көтеріңкі көңіл-күй сыйлады. Салт-дәстүрден көрініс қойылып, ұлттық құндылықтар дәріптелді.

Тәрбиешілер туған жерге деген ыстық ықылас пен сүйіспеншілікті жерлес ақындардың әнін орындау арқылы жеткізіп, кештің әсерлі өтуіне белсене атсалысты.

балабақша тәрбиешісі