Мемлекеттік қызметшілерге қандай сыйлық жиі беріледі?

– Парето қағидаты туралы ес­тіген боларсыздар. Оған сәйкес, қыз­меткерлердің 20 проценті ұйымдағы жұмыстың 80 процентін атқарады. Бұл дүние мемлекеттік қызметтегі жүйеге қандайда бір дәрежеде сәйкес келеді. Бүгінгі күні агенттіктің ау­мақтық бөлімшелері едәуір оңтай­ландырылды. Қолданылған шара нә­тижесінде қызметкерлердің жал­ақысын қосымша 30 процент кө­теруге мүмкіндік бар. Соған сәйкес, қызметшілердің жұмыс тиімділігі де арта түсті. Енді әр қызметкер қысқа мерзімде нақты нәтижеге қол жеткізуге мүдделі. Агенттіктің тағы бір жобасы – жұмыс уақытының икемді кестесін орнату. Балаларын күнделікті балабақша мен мектепке алып бару қажеттілігі бар қыз­меткерлер үшін жұмыс күнін сағат 9:30-да бастау қарастырылды. Со­нымен қатар қызметкерлер өз қа­лауынша түскі үзіліс уақытын ұзар­туға құқылы болады, – деді депар­тамент басшысы.

Спикер облыста жемқорлықты жою­дың озық механизмдерін қол­да­на отырып, қолайлы инвестициялық ахуал қалыптастыруға бағыттал­ған «Рrotecting business and invest­ments» жобасының қарқынды жүзеге асып жатқанын да тілге тиек етті. Айта кету керек, бастаманың басым бағыты – кәсіпкерлердің құ­қы­ғын қорғау, бизнес үдерісті оң­тай­ландыру, қоғамдық бақылау ор­нату және инвесторлардың сы­байлас жемқорлыққа қарсы құ­қық­тық сауаттылығын арттыру. Осы мақсатта департамент пен Ұлт­тық бюро департаменті қызмет­кер­лерінен тұратын жедел топ құ­рылған. Ол тәулігіне 24 сағат және 7 күн бойы жұмыс жасайды, «Kazakh invest» АҚ филиалындағы үйлестірушімен тікелей байланыста болады. Жыл көлемінде шетелдік және отандық инвесторлардан түс­кен 14 өтініш бойынша тиісті жұмыс атқарылған. Сонымен қатар облыстағы жалпы құны 592,7 млрд теңгені құрайтын 15 инвестициялық жобаны антикоррупциялық сүйе­мелдеу туралы келісімдерге қол қойылған. Департаменттің тікелей ара­ласуы нәтижесінде «Медикеа ИИС» ЖШС мен облыстық жұ­мыспен қамтуды үйлестіру және әлеуметтік бағдарламалар басқар­масы арасындағы 118 млн тең­гені құрайтын мемлекеттік сатып алу туралы келісімнің орындалуы қамтамасыз етіліп, бизнес субъек­тісінің құқықтары қорғалған.

Абзал Сансызбайұлы сондай-ақ, мемлекеттік қызметкерлерге қызмет бабын пайдаланып, жеке және заңды тұлғалардан сыйлық алуға, емдік-сауықтыру мен демалыс жолдамаларын қабылдауға қатаң тыйым салынғанын тағы бір еске салды. Жыл басынан бері мемлекеттік мүлік және жекешелендіру департа­ментіне 22 сыйлық тапсырылғанын айтып, арнаулы қордағы құнды зат­тар нарықтық бөлшек саудаға шыға­рылғанын, түскен қаржы рес­пуб­ликалық бюджетке аударылатынын хабарлады. Қолда бар мәлі­меттерге сүйенсек, мемлекеттік қыз­метшілерге бір қорап конфет, қол сағаттары, жұмыс үстеліне қойылатын кәдесыйлар жиі беріледі екен.