Ақмола облысының Есіл ауданындағы түлек өз оқыған ауылдағы мектепке 14 млн теңгеге жылу қазандығын алып беріп, ұстаздарын қуантты деп хабарлайды Хабар24.

  Кәскіпкер жігіт бұрынғы пештің әбден ескіргенін, мектеп басшылығының қыс бойы үреймен өткізетінін ескерсе керек, өзі ұшқан ұясына бағалы сыйлық жасауды жөн көрген.

  Ол пешті жеке қаржысына сатып алып қана қоймай, өзі орнатып берген.

  Мектеп басшылығының айтуынша, ер азаматтың бұл қайырымдылығы басқаларға үлгі боларлық іс. Себебі нағыз патриотизм сөзбен емес іспен дәлелденеді.