ҰБТ-да алғаш болып 140 балл жинаған түлекке IPhone сыйға берілмекші
Бірыңғай тестілеуден 140 балды жинаған алғашқы түлек қымбат ұялы телефонға ие болады. Су жаңа IPhone-ді Ұлттық тестілеу орталығының директоры Рамазан Әлімқұлов өзі жеке табыстамақ деп хабарлайды Sputnik Қазақстанға сілтеме жасаған NUR.KZ.Бұл туралы тестілеу орталығының директоры өзі мәлімдеді. Оның айтуынша, сыйлық табыстау идеясы өзінің тарапынан болған бастама.
"Биыл ұлттық бірыңғай тестілеудің 15-ші рет болайын деп тұрғандықтан, мерейтойлық тестілеуден алғаш болып 140 балл жинаған талапкерге сый ретінде IPhone тарту етпекшімін", - деп айтты Рамазан Әлімқұлов.
Айта кетейік, биыл 20 мауысым мен 1 шілде аралығында 96 мыңнан аса қазақстандық оқушы ҰБТ тапсырады. Емтиханға өтініш тапсыру 10 наурыздан 10 мамырға дейін қабылданбақ.
NUR.KZ.
