Департамент басшылары Қазалыда болды

Қазалы ауданына іс сапармен келген ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің жұмыс сапарына сәйкес Агенттіктің Жұртшылықпен байланыс жөніндегі департаментінің директоры А. Бердалин мен Қызылорда облысы бойынша департамент басшысы А. Мұхимов халықты жұмыспен қамту орталығының жұмысымен танысты. Орталықтың халықты жұмыспен қамту үдерісіндегі қарқынды қызметін көріп, орталық қызметкерлерінің атқарып жатқан жұмыстарына оң бағасын берді. 

Одан кейін А. Бердалин мен А. Мұхимов ауданымыздағы жаңадан пайдалануға берілген 150 орындық аурухананың тыныс-тіршілігімен танысты. Соңғы үлгідегі медициналық базалық құрылыммен жабдықталған аурухана ғимаратын аралады. Медицина қызметкерлерімен кездесіп, халық денсаулығы үшін жасап жатқан еңбектеріне сәттілік тіледі.