Ағымдағы жылы 5 шілдеде аудан әкімі М.Ергешбаев "Қазалы ауданы әкімдігінің халықты жұмыспен қамту орталығына" арнайы барып, жұмыс барысымен танысты. 

Мекеме жақында жұмыспен қамту орталықтарын трансформациялауға және кедергісіз ақпараттық жүйелерін қолдана отырып, қызмет көрсету шеңберінде халыққа қызмет көрсету сапасын арттыруға байланысты жаңа үлгіде жабдықталып, ғимараттың 1-ші қабатына көшірілген болатын. 

Биылғы жылдан бастап жұмыспен қамту орталығы жаңа сипаттағы атауы әлеуметтік көмек алушы отбасыларынан құжаттар қабылдап, көмек көрсетуде. 

Бүгінге дейін мекемеден 962 отбасыға консультациялық көмек беріліп, олардың ішінде 428 отбасына нақты атаулы әлеуметтік көмек тағайындалған. 

Орталықтың жұмыс барысымен танысқан аудан әкімі мекеме басшыларына бірқатар міндеттер мен тапсырмалар жүктеді.