Синоптиктер Қазақстан қалаларындағы ауа сапасы туралы айтты

Қазақстанның көптеген қалаларындағы метеорологиялық жағдай 22 тамыз күні жайлы болады, деп хабарлайды ҚазАқпарат «Қазгидромет» РМК-на сілтеме жасап.

Атмосфералық ауаның ластануы тек Атырау қаласында түнде күтіледі. Еліміздің қалған өңірлерінде жайлы метеожағдай қалыптасады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.