Қазақстанның 7 қаласында ауа сапасы төмендеді
4 ақпандағы метеорологиялық жағдай Қазақстанның 7 қаласында атмосферада зиянды заттардың жиналуына ықпал етті, деп хабарлайды Қазгидромет. Ведомство деректеріне сәйкес, Ақтау, Астана, Қарағанды, Қостанай, Қызылорда, Петропавл, Өскемен қалаларындағы метеожағдайлар атмосферада ластаушы заттардың таралуына себеп болады.
Ауаның ластануына болжам жасауда атмосферадағы зиянды (ластаушы) заттардың жиналуына ықпал ететін метеорологиялық факторлар (тымық, баяу жел, тұман, инверсия) ескеріледі. Бұл жағдайда елді мекендердегі атмосфералық ауаның сапасы нашарлап кетеді.
inform.kz
