– Өндірістік сала мен барлық мекеменің үзіліссіз жұмыстары, тұрғын үйлердің жылулығы мен жайлылығы, халық тұрмысының сапалылығы – осының бәрі өздеріңіздің күрделі еңбектеріңізге байланысты. Осы салада қызмет жасап жүрген Сіздер Мемлекет басшысының экономика мен өнеркәсіптік өндірісті жаңғырту бойынша алға қойған міндеттерін жүзеге асыруға қомақты үлес қосып келесіздер.

Осындай ерекше күні әркім байыбына бара бермейтін, бірақ оның жемісін күнделікті пайдаланып жүрген Сіздердің адал еңбектеріңіз үшін алғаусыз алғысымды білдіремін, – деді аудан басшысы Мұхтар Оразбаев.

Басқосу барысында энергетика саласының мамандарына құрмет жасалып, марапат төрінен көрінді. Олар облыс әкімі мен облыс әкімінің орынбасары және аудан әкімі, сондай-ақ энергетика басқармасы басшысының «Алғыс хатымен» марапатталды.

Мұнан соң аудандық мәслихат төрағасы Ғазиз Әліш қиындығы мен қуанышы қатар жүретін сала мамандарының еңбектеріне жеміс тіледі. Сәт сайын төтенше жағдайдың алдын алатын азаматтардың рухы нығая беруін тілге тиек етті.

Шарада Р.Бағланова атындағы аудандық мәдениет орталығының өнерпаздары мерейтой иелеріне арнап ән шырқап, ерекше көңіл-күй сыйлады.