Берешекті өндіру туралы дау медиация тәртібінде реттелді
Қазалы аудандық сотымен талапкер «П» ЖШС-нің жауапкер Р.-дан қарыз соманы өндіру туралы азаматтық іс қаралды.Татуластыру рәсімдері шеңберінде татуластырушы-судья тараптарға татуласу рәсімдерін қолданудың артықшылықтарын түсіндірді. Нәтижесінде тараптардан медиациялық келісімді бекіту туралы өтінішхат түсті.
Аталған келісімге сәйкес Р. 150 000 тенге көлеміндегі берешекті ай сайын тең бөліктермен қайтаруға міндеттелді, ал талап қоюшы өз кезегінде талаптан бас тартты.
Сот дауды (жанжалды) медиация тәртібінде реттеу туралы келісімді бекітіп, азаматтық істі өндірістен тоқтатты.
Ұйғарым заңды күшіне енбеген.
Қазалы аудандық сотының баспасөз қызметі
