Көларық ауылдық округінің әкімі сайланды
Өткен жексенбіде Көларық ауылдық округі әкімінің сайлауы заң талаптарына сай ұйымдастырылып, тұрғындар өздері қалаған кандидаттарына дауыс берді.Нәтижесінде сайлаушылардың 691 дауысын алған, “Amanat” партиясынан ұсынылған кандидат Өмірзақов Серік Дәкенұлы ауыл әкімі болып сайланды.
Серік Дәкенұлына аудан әкімі Мұхтар Оразбаев пен аудандық мәслихат төрағасы Ғазиз Әліш ауыл халқы үшін жүйелі жұмыс жасай береді деген сенімін білдіріп, қызметіне сәттілік тіледі.
Ауыл әкімшілігінде бас қосқан ауыл ақсақалдары округ жұрты сайлап алған кандидатқа батасын беріп, абыроймен еңбек етуіне тілектестіктерін білдірді.
"ҚАЗАЛЫ" ақпарат
