Қазалы аудандық сотында Қазалы қаласының тұрғыны С.-ға қатысты Қазақстан Республикасының ҚК-нің 131-бабының 1-бөлігімен жекеше айыптау қылмыстық ісі қаралды.

Азамат С. алкоголь ішімдігін ішкен мас күйінде көршісі А.-ның үйіне келіп, оны себепсіз абыройына тиетін сөздермен боқтап-балағаттаған.

Сөйтіп, жәбірленуші көршісі сотқа жекеше шағыммен жүгінуге мәжбүр болған.

Сот отырысында сотталушы С. жәбірленуші А.-дан кешірім сұрап, жеке айыптаушымен медиациялық келісімге келулеріне байланысты өзіне қатысты істі тоқтатуды сұрады.

Тараптар сотқа кәсіби емес медиатордың қатысуымен жасалған медиациялық келісім ұсынды.

Сот қаулысымен Қазақстан Республикасының ҚК-нің 131-бабының 1-бөлігімен С.-ға қатысты қылмыстық іс тараптардың медиация тәртібімен татуласуларына байланысты тоқтатылды.