Қоғамдық орында адамдарды мазалағаны үшін шетелдік азаматшаға жаза тағайындалды
Қазалы аудандық сотында Қазақстан Республикасы ӘҚБтК 449-бабының 3-бөлігімен О.-ға қатысты әкімшілік құқық бұзушылық іс қаралды.Құқық бұзушы О. Өзбекстан Республикасының азаматшасы бола тұра, Қазақстан Республикасына өтіп, Әйтеке би кентіндегі Счастнов көшесі бойымен келе жатып, қоғамдық орында, елді мекен тұрғындарына заттарды айырбастауды немесе сатып алуды ұсынып, мазалаған.
Сот отырысында құқық бұзушы кінәсін мойындап, хаттамада көрсетілген мән-жайларды қуаттады.
Сот қаулысымен О. ӘҚБтК-нің 449-бабының 3-бөлігімен әкімшілік құқық бұзушылық жасағаны үшін кінәлі деп танылып, 12 025 теңге көлемінде әкімшілік айыппұл түрінде жаза тағайындалды.
Сот қаулысы заңды күшіне енбеген.
Қазалы аудандық сотының баспасөз қызметі
