Қазалы аудандық сотында Қазақстан Республикасы ӘҚБтК 383-бабының 3-бөлігімен Т.-ға қатысты әкімшілік құқық бұзушылық іс қаралды.

Сот анықтағандай, азамат Т. тыйым салынған құралдармен балық аулап, Қазақстан Республикасында белгіленген балық аулау қағидаттарының талаптарын бұзған.

Оның кінәсі іске тіркелген түсінігімен, инспектор мәлімдемесімен, сондай-ақ әкімшілік құқық бұзушылық туралы хаттамасымен және басқа да іс бойынша жинақталған құжаттармен дәлелденді.

Сот қаулысымен азамат Т. Әкімшілік құқық бұзушылық туралы Қазақстан Республикасы Кодексінің 383-бабының 3-бөлігімен әкімшілік құқық бұзушылық жасағаны үшін кінәлі деп танылып, құқық бұзушылық жасаған заттарды, яғни ауды, тәркілеумен 48 100 теңге көлемінде әкімшілік айыппұл түрінде жаза тағайындалды.

Сот қаулысы заңды күшіне енбеген.