Кім үздік?
Жуырда Ақтөбе қаласында мектепке дейінгі ұйымдарға арналған республикалық ғылыми-әдістемелік тәжірибелік семинар өтті. Оны «Спорт жұлдыздары» республикалық ғылыми-әдістемелік журналы мен «Ақниет» балалар шығармашылық ордасы ұйымдастырды.Басты мақсат – балабақша тәрбиешілеріне жаңартылған бағдарлама бағытында жұмыс жүргізуге әдістемелік қолдау көрсету, әдістемелік біліктіктерін арттыру. Онда ойын арқылы баланың танымдық қабілетін, сөздік қорын дамыту тақырыбында қатысушыларға тапсырма берілді. №11 «Балапан» бөбекжай балабақшасының тәрбиешілері Венера Абылаева, Жадыра Маханбетова, Айгерім Бақытжан, Айнұр Ешмақан, Гүлшат Сейтова, Айжамал Нәбиева жаңашылдықпен ұштасқан еңбектерін ортаға салды.
Нәтижесінде олардың шығармашылық жұмыстарының озық тәжірибесі үздік саналып, «Үздік балабақша тәрбиешісі «төсбелгісін» омырауларына тақты. Сондай-ақ, арнайы сертификаттарға ие болды.
Жүлдегер әріптестерге алдағы уақытта толағай табыс пен бұдан да биік белестерді бағындыруға жазсын деп тілек білдіремін.
Рита АРАЛБАЕВА,
№11 «Балапан» бөбекжай балабақшасының тәрбиешісі.
