Кезекті қоғамдық қабылдау бөлмесі жұмысын бастады
Бүгін облыстық партия филиалының Атқарушы хатшысы Ләйлә Бегалықызының қатысуымен «Шипагер» бастауыш партия ұйымында қоғамдық қабылдау бөлмелерінің жұмысын жетілдіру мақсатында қабылдау бөлмесі ашылып, өз жұмысын бастады.Ең алдымен сайлауалды бағдарлама аясында жаңадан бой көтерген 250 келушіге арналған аудандық емхана жұмысымен бас дәрігердің бастапқы медициналық-санитарлық көмек көрсету жөніндегі орынбасары, «Шипагер» бастауыш партия ұйымының төрағасы Күншығар Әбілұлы таныстырып, облыстық партия филиалының Атқарушы хатшысы жаңа заманауи жабдықтармен қамтылған емхана жұмысына сәттілік тіледі.
Сондай-ақ, мәжіліс залында партия мүшелерімен кездесу жалғасып, қоғамдық қабылдау бөлмесінің міндеттеріне тоқталып, ашылуымен құттықтады.
Мұнан соң партияның сайлауалды бағдарламасында қамтылған Әйтеке би кентінде салынып жатқан 250 орындық мектеп құрылысына арнайы барып бақылау жүргізіп, құрылысшыларға білім ордасының сапалы әрі уақытылы берілуі ұдайы партия бақылауында екендігін жеткізді.
#AMANAT
