Тілегіміз бейбіт күн
Лақалы ауылдық клубында клуб ұжымы мен көркемөнерпаздар үйірмесі мүшелерінің қатысуымен "Тілегіміз бейбіт күн" атты мерекелік концерт өтті. Ауыл əкімі М.Сұлтамұратов лақалылықтарды мерекемен құттықтап, көктемгі көркейту-көгалдандыру 2 айлығының нəтижесінде бірнеше отбасы мен мектеп, клуб ұжымына «Үлгілі аула" жəне «Таза аула" бағандарын табыс етті.Сондай-ақ, тыл ардагерлеріне əкімшілік атынан сый-сияпаттар табысталды. Концертте клуб жанынан құрылған əн үйірмесінің мүшелері әскери-патриоттық əндер орындады. Клуб қызметкерлері мен драма үйірмесінің мүшелері көріністер көрсетіп, өлең, монологтар оқыды. Би үйірмесінің өнерлі қыздары мың бұрала би биледі.
Айнұр МЕЙРАМБАЙҚЫЗЫ,
Лақалы ауылы
