Махаббат – адам жанының асыл қасиет, асқақ мұрат, риясыз нәзік сезімі. Жастарды адамгершілікке тәрбиелеу, қазақтың салт-дәстүрін насихаттау және жат әрекеттерден сақтандыру мақсатында Абай ауылдық клубы «Махаббат – мәңгі ертегі» атты драма үйірмелерінің аудандық байқауын ұйымдастырды.

Байқауға ауылдық клуб және мәдениет үйлері жанынан құрылған жеті драма үйірмесі қатысып, өз өнерлерін ортаға салды.

Қазылар алқасының шешімімен жоғары деңгейде өнер көрсеткені үшін бас жүлде Абай ауылдық клубы жанынан құрылған драма үйірмесіне берілді. Жанқожа батыр ауылдық мәдениет үйі жанындағы халық театры бірінші орынды иеленді. Екінші орын Қожабақы мәдениет үйінің драма үйірмесі, үшінші орын Мұратбаев ауылдық мәдениет үйіндегі драма үйірмесі мүшелерінің еншісіне бұйырды.

Жүлдегерлерге арнайы дипломдар мен бағалы сыйлықтар табыс етілді.