Кейбір жарақаттың орны жазылмай, тыртық болып қалатыны белгілі. Осы орайда өмір бойы кетпей қалған тыртықты кетірудің бірнеше жолы барын айта кетейік.

Бүгінде косметолог мамандар лазер, пилинг, дермабразия, криотерапия (қою азотпен емдеу) жолдарымен тыртықты кетірудің түрлі әдістерін жасайды. Алайда сіз үй жағдайында-ақ тыртық орнын кетіре аласыз. Оның бірі балдырмен емдеу әдісі. Балдырды теріге жаққанда ол тез еніп, қан айналымын жақсартады. Егер балдырмен емдесеңіз жарты жылдан соң нәтижесін көре аласыз.

Одан бөлек қауынның дәнімен емдеуге болады. Әбден піскен қауынның 20 дәнін майдалап турап, 2 жұмыртқаның туралған қабығын қосасыз. Оған 5 мл зәйтүн майын тамызасыз. Қоспаны тыртыққа жағып, дәкемен орап қойыңыз. Осылайша 20 күн жасаңыз. Бір аптадан соң қайталаңыз.

Тыртықты жоюды тағы бір жолы – жұпар жаңғағымен емдеу. Оны балмен араластырып жағасыз. Кейін жуып тастайсыз. Осылайша күнара 1-2 жыл қайталау керек. Егер теріңіз құрғап, кері әсер етсе, балдың орнына сүт құйыңыз. Бал мен сүттің мөлшері 1/4 көлемде болу керек. Іске сәт.