Бірлескен отырыс өткізілді

Өткен жұма күні «Nur Otan» партиясы Қазалы аудандық филиалы сыбайлас жемқорлыққа қарсы іс-қимыл жөніндегі қоғамдық кеңес пен партиялық бақылау комиссиясының бірлескен отырысы болып өтті. Отырысты аудандық филиалдың сыбайлас жемқорлыққа қарсы іс-қимыл жөніндегі қоғамдық кеңес төрағасы, «Тілеп» ЖШС директоры Тілеп Ибайдулла Тілепұлы жүргізді.  Күн тәртібінде аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінде сыбайлас жемқорлыққа жол бермеу бағытында атқарылған жұмыстары және алдағы жоспарлары талқыландв. «Qutty meken» партиялық жобасы аясында ауданымызда атқарылып жатқан жұмыстар туралы аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің есебі баяндалды. Сонымен қатар «Нұрлы жер» бағдарламасы аясында аудандық жер қатынастары бөлімінде атқарылып жатқан жұмыстар және алдағы жоспарлар туралы айтылып, аудандық ішкі саясат бөлімінде сыбайлас жемқорлықпен күрес бағытында атқарылған жұмыстар және алдағы жоспарларға тоқталды.  Жиын барысында күн тәртібіндегі мәселелер қаралып, тиісті бөлім басшыларының хабарламалары тыңдалды.