Сыбайлас жемқорлыққа қарсы іс-қимыл жөніндегі кеңес отырысы өтті
Бүгін «AMANAT» партиясы Қазалы аудандық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңестің отырысы өткізілді. Жиын кеңес төрағасы Ібайдулла Тілепұлының төрағалығымен жүргізіліп, кеңес мүшелері Талайлы Бөріқұлақов, Нұрғиса Жалғасбаев, Есет Табынбаев және арнайы партиялық бақылау комиссиясының төрағасы Ғазиз Әлмәмбетұлының қатысуымен өтті.Жиында күн тәртібіне қойылған Қазалы арнаулы әлеуметтік қызметтер көрсету орталығында Сыбайлас жемқорлыққа қарсы жұмыстардың жүргізілуі туралы орталық директоры Жаңабай Жакеновтың есебі тыңдалды.
Хабарламашыға кеңес мүшелері тарапынан сыбайлас жемқорлықты алдын алу бағытында жылдық жоспарды құру, жоспар аясында қызметкерлермен кездесулер өткізіп, түсіндірме жұмыстарын жүргізуді күшейту сынды бірқатар ұсыныстар айтылып, жиын қорытындыланып, тиісті қаулы қабылданды.
«AMANAT» партиясы Қазалы аудандық филиалы
