Астана қаласының 20 жылдығына және Қызылорда қаласының 200 жылдығына орай мүмкіндігі шектеулі балалар арасындағы республикалық «Жұлдызай – 2018» мүмкіндігі шектеулі балалар арасындағы спартакиадасының облыстық кезеңінде қазалылық Айдана Бегімбай жүлделі орынға ие болып, мерейімізді үстем етті.

Салауатты өмір салтын насихаттау, балаларды спортқа тарту, әлеуметтендіру және қоғамға шоғырландыру мақсатында өткізілген сайыста Қазалы ауданының психологиялық–педагогикалық түзету кабинетінің тәрбиеленушісі Айдана Бегімбай «Бес тас» ойынына бақ сынап, жүлделі үшінші орынға ие болып, «Жұлдызай» қайырымдылық қорының Алғыс хатымен марапатталды. Айдананы бұл жарысқа дайындап, Қызылорда қаласына апарған жетекшісі мұғалім–дефектолог Бақыткүл Искакованың еңбегі ерекше екенін айта кеткен орынды.

Қазалы психологиялық–педагогикалық түзету кабинетінің нұсқаушысы