Инклюзивті қоғам: бар балаға бірдейміз
Инклюзивті қоғам мүмкіндігі шектеулі балалардың қоғамға үйренісіп, қалыпты дамуына мүмкіндік береді. Бүгінгі күні облысымызда балабақшалар саны 544 болса, оның 79-да инклюзивтік білім алуға жағдай жасалған. Бұл балабақшаларда арнайы және инклюзивтік топтар ашылып арнайы мамандар түзету көмегін көрсетеді.Ал мектептерге келетін болсақ, 293 мектептің 88-і арнайы мамандармен қамтамасыз етілген.
Инклюзивтік орталық Қазалы ауданында бар. Сондай-ақ, Қызылорда қаласының психологиялық-педагогикалық түзеу кабинет инклюзивтік білім берудің ресурстық орталығы ретінде жұмыс жасайды.
Облыста осы жылдан бастап «Ерте жастан араластыру және 0-ден 3 жасқа дейінгі қатер тобындағы балаларды әлеуметтендіру» мақсатында итальяндық бағдарламаны іске асыру бойынша жұмыс басталды. Бұл бағдарлама балалардың дамуындағы кемшіліктерді ертерек түзетуге және оларды жалпы білім беру ортасына енгізуге мүмкіндік береді.
