Федерация кубогы сарапқа салынды

Қазалы ауданының орталығы Әйтеке би кентінде гандболдан ҚР федерация кубогы сарапқа салынды. Осымен бесінші мәрте ұйымдастырылған дүбірлі додаға Қызылорда қаласы мен аудандардан 9 команда қатысты.

Елді мекендерде гандболды дамыту, жастарды спортқа тарту, қызығушылығын ояту, саламатты өмір салтын насихаттау, достық қарым-қатынасты нығайту жəне тəжірибе алмасуды көздеген турнир өз мақсатына жетті.

Турнир қорытындысы бойынша Қызылорда қаласының гандболшылары жеңімпаз атанса, Жаңақорған ауданының спортшылары екінші орынға табан тіреді. Ал, Қазалы ауданының намысын қорғаған №17 Қазалы аудандық олимпиадалық резервтің мамандандырылған балалар-жасөспірімдер мектебінің командасы жүлделі үшінші орынға қол жеткізді. Гандболшы қыздардың қола медаль алуына команда жаттықтырушысы Жеңісбек Құрманәлінің еңбегі ерекше екенін айта кеткен орынды.