Маңызды қадамды бірге жасайық
"Қазақстан өте маңызды әрі бетбұрысты кезеңге қадам басқалы тұр" деп Мемлекет басшысы айтқан болатын. Бүгін яғни 5 маусым күні азаматтарымыз жалпыұлттық референдумда дауыс беруге бір кісідей атсалысуда.Ел үшін маңызды референдумға қатысу азаматтық борышым деп ең алғашқы болып дауыс берген теміржол саласының маманы Өмірзақ Сартов арнайы сыйлыққа ие болды.
"Елде біршама жақсы өзгерістер орын алуда. Енді Ата заңға толықтырулар мен өзгертулер енгізуге өз үлесімді қосу парызым деп санағандықтан ертемен келуді жөн көрдім. Алдағы уақытта барлығы жақсы жағынан қалыптасады деген сенім мол", - дейді ол.
Таңғы сағат 7:00-ден бастап жарты сағат ішінде #91 референдум учаскесіне 50 адам келіп қатысты.
