Сенаторлардың сауалына жауап берген министр коронавирус пандемиясынан қауіптің барлық мүмкін түрлеріне дайын болуымыз керек деген сабақ алғандарын жеткізді. «Заң жобасында барлық мүдделі мемлекеттік органдар бірлесіп, қандай да бір биологиялық қатер болғанда жұмылып шаралар қолдануы керектігі барлық нормаларға енгізілді. Соның ішінде сіз айтып кеткен пандемияға байланысты, айтсам, жұқпалы аурулардың алу жөнінде бірінші болжау барлық дүниежүзінде болып жатқан жағдайларды немесе Дүниежүзілік денсаулық сақтау ұйымы арқылы қандай инфекциялық аурулардың өршіп жатқаны туралы біліп отыру, оларды анықтап, модельдеу, болжау біздің елімізде қалай өтетіні жөнінде сценарий жасалады», - деді ведомство басшысы. Айтуынша, министрлік бұл тұрғыда жергілікті органдардың биолгиялық қауіп-қатерге әзірлігін пысықтап отырады. «Алдын алу шаралары жүргізіледі, оның ішінде вакцианация да бар. Қазір дәрілік заттардың резервін қалыптастыру жүріп жатыр. Біз қажетті дәрінің кім шығаратынынан тәуелді болмауымыз керек. Жергілікті кадрлар резервін дайындау да маңызды. Заң жобасында бүкіл осындай шаралар қарастырылған. Зертханалық зерттеулер, заманауи технологияларды сатып алу, диагностикалық қондырғылардың болуы және ғылыми зерттеулер жүргізу – осының бәрі заң жобасында қарастырылған. Бұл құжатты қабылдау пандемиядан алған сабақтардан қорытынды шығаруға жол ашады», - деді Ажар Ғиният. Айта кетейік, бүгін Сенаттың жалпы отырысында «Қазақстан Республикасының биологиялық қауіпсіздігі туралы» Қазақстан Заңы қабылданды.