"Қар аралас жауын жауады": Қазақстанның үш өңірінде жолдарға ауа райы туралы ескерту жарияланды
Фото: freepik.com"ҚазАвтоЖол" ұлттық компаниясы 25-27 қазан аралығында республикалық трассаларда ауа райының бұзулуы мүмкін екенін айтып, ескерту жасады. Бұл туралы Stan.kz ақпарат агенттігі хабарлайды.
Ұлттық компанияның мәліметінше, Алматы, Шығыс Қазақстан және Жетісу облыстарында жаңбыр мен қар аралас жауын, сондай-ақ қар жаууы болжанып отыр.
"Сондықтан жүргізушілерден жылдамдық режимін сақтап, жолдағы қауіпсіздік ережелеріне көңіл бөлулерін және ауа райының нашарлауын ескерулерін сұраймыз", – делінген хабарламада.
Жол жағдайы туралы нақты ақпарат алу үшін "ҚазАвтоЖол" Call-орталығы тәулік бойы 1403 нөмірі бойынша қызмет көрсетеді.
