Қазалы Qazaly.kz ақпараттық агенттігі
» » Көркемсөз оқу шеберлері анықталды

Көркемсөз оқу шеберлері анықталды

Қазалы аудандық мәдениет және тілдерді дамыту бөлімінің ұйымдастыруымен Р.Бағланова атындағы мәдениет орталығында қазақтың ұлы жазушысы Мұхтар Әуезовтің 125 жылдығына орай Абай атындағы көркемсөз оқу шеберлерінің аудандық байқауы өткізілді.
Байқаудың ашылу салтанатында Қазалы ауданының мәдениет және тілдерді дамыту бөлімінің басшысы Болат Жолтаев сөз сөйлеп, қатысушыларға сәттілік тіледі. Байқауға 18-29 жас аралығындағы талапкерлер қатысып, екі кезең бойынша өнер көрсетті.
Бірінші кезең қазақтың ұлы жазушысы Мұхтар Әуезовтің 125 жыл­дығына орай прозалық шығар­маларынан үзінді оқу.
Екінші кезең қазақтың белгілі жазушыларының көркемдігі жоғары поэзиялық шығармаларынан үзінді оқу.
Байқауға актриса, білім бөлімінің ардагер ұстазы Ұлжан Ахметова, Қазақстан Республикасының Мәдениет саласының үздігі, Қазалы ауданының мәдениет орталы­ғының сүйемелдеушісі, қазылар алқа­сының мүшесі Галя Оспан, Қызылорда облысының ішкі саясат басқармасының «Қызылорда облысының тілдерді оқыту орталығы» КММ-нің оқытушысы, Жұбатқан Таңжанов қазылық жасап, жеңімпаздарды анықтады.
Нәтижесінде бас жүлдені №91 орта мектептің мұғалімі Ақзия Қожахмет, I орынды №216 орта мектептің мұғалімі Бекзатхан Сахитжан иеленсе, II орынды Бекарыстан би ауылының тұрғыны Қанат Сырлыбай пен Қазалы көлік-техникалық жоғары колледжінің 3 курс студенті Бекарыс Оразәлі, III орынды Жанкент ауылының тұрғыны Әрсен Салмырза мен Басықара ауылының тұрғыны Мадина Ералиева өзара бөлісті. Жеңімпаздарға дипломдар мен бағалы сыйлықтар табысталды.

Ботакөз ТАРЗАН,
Қазалы ауданының мәдениет және
тілдерді дамыту бөлімінің әдіскері
05 сәуір 2022 ж. 463 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930