Бақытты балалық шақ
Әйтеке би кенттік клубының ұйымдастыруымен аудан орталығында орналасқан «Шапағат» балаларды сауықтыру орталығындағы бүлдіршін балақайлармен еркін форматта кездесу кеші өтті. Ұжым мүшелері мен кент өнерпаздары Ө.Жанназаров, Ә.Ермекбаева, М.Жеткербай, Ә.Айдар, Р.Мақсатбаев баян, домбырамен ән орындап, балғындарымыздың көңілін көтерді.
Мемлекет басшысы Қ.Тоқаев өскелең ұрпаққа жол ашу үшін барлық жағдайды жасау қажеттігін айта келе, 2022 жылды «Балалар жылы» деп жариялады. Балаларға ерекше назар аудару керектігін, себебі олардың амандығы – мемлекетіміздің жарқын болашағының сенімді кепілі екендігін атап өтті. Осы мақсатта балғындарға рухани демеу көрсетіп, ауданымыздағы кәсіпкерлердің қолдауымен оқуға қажетті құралдарды табыстады.
Балалар жылында бүлдіршіндерді қолдау, рухани демеу, мәденишараларға тарту жалғасын табатын болады.
Бауыржан ТӘҢІРБЕРГЕНҰЛЫ,
Әйтеке би кенттік клубының мәдени ұйымдастырушысы
