Әнші болғым келеді

Жақында Әйтеке би кенттік клубының ұйымдастыруымен 6-9 жас аралығындағы бүлдіршіндердің шығармашылығын насихаттау мақсатында «Әнші болғым келеді» атты аудандық әншілер байқауы өтті. Оған Әйтеке би кенті мен ауылдық округтердегі мектептерден 19 талапкер қатысты.

Байқауға жергілікті сазгер Н.Алғашбаев, №266 мектеп-лицейдің музыкалық жетекшісі М.Ырысмамбет, кенттік клубтың аккомпонияторы Ә.Айдар қазылық жасады.

Талапкерлер байқау шарты бойынша бірінші кезеңде патриоттық әндер орындаса, екінші кезеңде жас әншілер жетекшісімен бірге өз қалаулары бойынша ән айтты.

Байқау қорытындысымен бірінші орынды Қ.Пірімов ауылынан келген С.Сыдық, екінші орынды кәукейлік Ж.Алданбай мен бозкөлдік К.Тасқали жеңіп алды. Ал, үшінші орынға үш бірдей өнерпаз лайықты деп танылып, «Шұғыла» балабақшасынан С.Жанқуат, Басықара ауылынан Н.Жәдігер және №266 мектеп-лицейдің оқушысы А.Берікқызы қол жеткізді.

Бозкөл ауылынан К.Баймұрат «Жезтаңдай әнші», «Ақбота» балабақшасынан А.Ағаділ «Көрермен көзайымы» номинациясын иеленді.

кенттік клубтың әдіскері